Header Ads

sri narasimha ashtakam

आप सभी के लिए पेश है श्री नृसिंह अष्टकम हिंदी में और साथ ही आप श्री नृसिंह अष्टकम PDF को डाउनलोड भी कर सकते है।


श्री नृसिंह अष्टकम

श्रीमदकलंक परिपूर्ण शशिकोटि-
श्रीधर मनोहर सटापटल कांत।
पालय कृपालय भवांबुधि-निमग्नं
दैत्यवरकाल नरसिंह नरसिंह ॥ 1 ॥

पादकमलावनत पातकि-जनानां
पातकदवानल पतत्रिवर-केतो।
भावन परायण भवार्तिहरया मां
पाहि कृपयैव नरसिंह नरसिंह ॥ 2 ॥

तुंगनख-पंक्ति-दलितासुर-वरासृक्पं
क-नवकुंकुम-विपंकिल-महोरः ।
पंडितनिधान-कमलालय नमस्ते
पंकजनिषण्ण नरसिंह नरसिंह ॥ 3 ॥

मौलिषु विभूषणमिवामर वराणां
योगिहृदयेषु च शिरस्सुनिगमानाम् ।
राजदरविंद-रुचिरं पदयुगं ते
देहि मम मूर्ध्नि नरसिंह नरसिंह ॥ 4 ॥

वारिजविलोचन मदंतिम-दशायां
क्लेश-विवशीकृत-समस्त-करणायाम् ।
एहि रमया सह शरण्य विहगानां
नाथमधिरुह्य नरसिंह नरसिंह ॥ 5 ॥

हाटक-किरीट-वरहार-वनमाला
धाररशना-मकरकुंडल-मणींद्रैः ।
भूषितमशेष-निलयं तव वपुर्मे
चेतसि चकास्तु नरसिंह नरसिंह ॥ 6 ॥

इंदु रवि पावक विलोचन रमायाः
मंदिर महाभुज-लसद्वर-रथांग।
सुंदर चिराय रमतां त्वयि मनो मे
नंदित सुरेश नरसिंह नरसिंह ॥ 7 ॥

माधव मुकुंद मधुसूदन मुरारे
वामन नृसिंह शरणं भव नतानाम् ।
कामद घृणिन् निखिलकारण नयेयं
कालममरेश नरसिंह नरसिंह ॥ 8 ॥

अष्टकमिदं सकल-पातक-भयघ्नं
कामदं अशेष-दुरितामय-रिपुघ्नम् ।
यः पठति संततमशेष-निलयं ते
गच्छति पदं स नरसिंह नरसिंह ॥ 9 ॥

sri narasimha ashtakam lyrics in hindi

श्री नृसिंह अष्टकम PDF

श्री नृसिंह अष्टकम PDF को डाउनलोड करने के लिए निचे दिए हुए लिंक पर क्लिक करे।

Click Here To Download

Read

श्री शिवरामाष्टक स्तोत्रम्

श्री शिव रुद्राष्टकम

श्रीमद् दिव्य परशुराम अष्टक स्तोत्र

श्री सूर्य मंडल अष्टक स्तोत्रम्

हनुमत् मंगलाष्टक

श्री महालक्ष्मी अष्टक

Post a Comment

Previous Post Next Post